Exodus 22
16Xosxa moletin tei di misep luvos atuli tei xa takil ti mu tiramue e latasikoe xole ti mu e ba pat dela, ma moletin ak iaxa ixale ra tamen e laliteli. 17E xosxa tame atuli en ti navei xa tiramue ak vahuri, ma tiramue ak ihe faen ni vatu tei xa ipin ni atuli tei xa takil ti mu tiramue.18Xosxa atou tei di pol ni eimas, ma lihasi imat.
19Xosxa moletin tei pol misa mi vongoro tei nggoni ngan xa lapol ni mi atou, ma lihasi imat.
20Xosxa moletin tei misa sanien eo ba mi hi sav tei, ma lihasi imat, vengan xa mol-Isrel xil lisa sanien eo minou kestang xa nabe Iahova.
21Xosxa moletin tei de visal xamim xa be ngan halesav tei, ma munapurun ni ti e minaxar ti mini. Munem xati xa, tetiamu, xamim mun mutehe ngan halesav xil tang e hal Isip.
22Munapurun tunau xil mu timaru xil ti. 23Xosxa mupurun xil, ma inou, Iahova, nilong tangen nae e nimei nitutou ni xil. 24Ieok iat xamim e nisak ni xamim mulel e vaeen xil, e atou namim xil sung mei lihe tunau xil e horamue namim xil mei lihe timaru xil.
25Xosxa mumaen ni vatu namim mi moletin tei xa be hoeo, ma munapol ni ti naxoni moletin xil te bangk. Xamim munasisi ti tengan nasa rilomun ni natel vatin. 26Xosxa mumaen neta tei mi mosav e munggur xat eising nan te masoh di en, ma munahur xati ti natuxoh vongien. 27Usa katen ni mini vengan xa otakil ti xos eising ak iaxa di pat dela tengan ven vatin. Vengan xa xosxa masoh iati e tangen nan mei ituxoh nou, ma inou nilonge e mei nitutou ni rin xa nan vengan xa inou, di ieok sae e hisit moletin xil xa lamak.
Copyright information for
TVK